身兼突破機構總幹事同埋政府諮詢組織青年事務委員會主席嘅蔡元雲醫生，二十幾年前放棄可觀收入嘅醫生工作，走去搞青少年輔導，因此冇發到達，𠵱家只算係一般嘅中產。
人稱「蔡醫」嘅佢，噚日喺香港教師會周年大會上講自己嘅經歷，佢話自己雖然係醫生，但可謂不務正業，只係畢業後五年算係醫生；後來修讀心理學之後，二十幾年來都係做青少年服務。
蔡醫犧牲唔少，所以𠵱家收入唔算多：「我好多物質都冇，連下個月交稅都好勉強！」但佢記得喺十年前，一直對佢唔行醫而好失望嘅父親，出席突破機構二十周年活動時，講咗句「元雲，你做嘅嘢好有意義。」令佢感到絕不後悔。
（圖）蔡醫生話，即使𠵱家交稅都只係緊緊夠，亦唔後悔當年冇去行醫。
傳真︰2623-9278
電郵︰