家陣有好多車主，為咗要減低太陽對車廂嘅損害，同埋UV對皮膚嘅損害性，都會為座駕裝上太陽紙；之但係現時市面上大部份嘅太陽紙，都未能通過運輸署嘅嚴格透光率測試。而最近有一汽車零件代理商，就引入咗一種與運輸署要求對應嘅龍膜太陽紙，就連整個安裝太陽紙過程中，更包括到運輸署驗車，合格後才交到車主手上。
據店舖負責人Tony表示，佢哋安裝龍膜太陽紙（LlumarSuperFilm）時，會用上與運輸署同類型嘅儀器測試透光率，然後會將該車交到運輸署驗車，合格後運輸署會發出一張證書，指明該車係貼上符合法例標準透光率嘅太陽紙；而呢項紀錄亦會直接記入運輸署電腦檔案中，就算遇上警方對該車車窗透光率有懷疑，車主除可攞出證書證明外，有關方面亦可從電腦檔案中查出來。另外，佢哋亦引入咗一部UV測試表，能直接測試出太陽紙阻隔UV嘅比率，呢啲通過檢查嘅太陽紙能阻隔100%有害紫外線，以及保持車廂溫度之餘，亦能防止UV對皮膚嘅傷害；以Tony坐緊嘅呢部富豪房車為例，全車連前擋風玻璃貼上龍膜太陽紙約需五千多元，呢個費用已包括到運輸署驗車。Tony表示，一般嚟講申請兩個星期便可驗車，故此車主可選擇先貼太陽紙，兩星期後才驗車，又或者驗車前才安裝亦可。
查詢：TWAutosport（21420001）