平治新款C-Class推出至今不足三年時間，已推出有四門房車、旅行車同埋SportsCoupe等多個型號，並備受全球車迷追捧，風頭可謂一時無兩；而響日前，第一百萬部平治C-Class亦已正式離開生產線，並交到新車主手上。
第一百萬部平治C-Class為一部銀色嘅C200Kompressor型號，而且重會由DaimlerChryslerAG管理層之一嘅Prof.JurgenHubbert，親手將新車交到車主手上；而Hubbert對新C-Class能有此成績，除感到十分高興外，亦表示對新C-Class響不足三年嘅生產期內，已生產出超過一百萬部新車，成績實在令人感到鼓舞；而新C-Class由推出至今表現亦一直向好，例如SportsCoupe型號於2000年巴黎車展中現身後，於2001年春季推出時已售出146,000部，而旅行車版於2001年底特律車展曝光，並於同年春季推出時，亦已售出約137,000部，真係你都咪話唔厲害！