上酒樓飲茶離不開蝦餃、燒賣、叉燒包，可能因為太普通的關係，有時真係只要食唔出怪味，就邊看報紙邊啃下肚，食而不知其味。若然閣下有點乏味，不如跟小記一起發掘一些平凡中見不平凡的點心之王。
01年香港旅遊發展局為了推廣香港的旅遊業，主辦了第一屆美食之最大賞，由臥底評判四出試食，先去找出初步入圍對象，最後在不同的組別選出各十間食肆，到中華廚藝學院一較高下，而當年的點心組的至高榮譽金獎就由李師傅帶領的金紫荊粵菜廳奪得。
最初還以為他以甚麼「驚天地、泣鬼神」的點心參賽，後來才知道是最普通的蝦餃、蛋撻、春卷、叉燒包，真係好有興趣知道這些幾乎全港每個角落都食得到的普通料有幾掂，後來才發現要出位，不一定要驚天動地，只要有「心」，就會得到人認同。
店名：金紫荊粵菜廳
地址：灣仔港灣道香港會議展覽中心新翼金紫荊廣場地下
電話：25827728
營業時間：周一至六12:00nn-3:00pm、6:00pm-11:00pm
周日及假期11:00am-3:00pm、6:00pm-11:00pm
香港係美食之都，傑出的食肆多不勝數，攞到獎，固之然是一種成功的肯定，但無獎亦未必等於「流」。好多時人客的實際支持亦好重要。
如果有一籠燒賣，日賣超過二百籠，假期更賣出五百籠以上，而好多城中名人，例如鄭大班、梁愛詩、田北辰、郭炳聯、蔡少芬、張曼玉、張學友、梁家輝……等，都是它的Fans，相信也不用找班評判為它封賞，大家亦心中有數。
店名：采蝶軒
地址：金鐘金鐘道88號太古廣場LG1樓
電話：28454555
營業時間：午市周一至五11:30am-3:30pm，周六開至4:00pm，周日及假期10:00am-4:00pm）；晚市5:30am-11:30pm
小記雖然嗜吃，但才剛剛加入搵食行列做飲食的專題，所以經常都會將勤補拙，睇吓前輩的食評偷吓師，做這個「點心之王」的專題，無意之間就看到前輩唯靈講到關於叉燒包、蛋的介紹。
點為之靚叉燒包？據講：「叉燒包應要作高身呈雀籠形，更要講求大肚收篤線條美，包皮雪白爆口而不露餡。半肥瘦叉燒切成指甲片，汁須豐而不瀉兼且要鹹甜適口。」
蛋 又係點樣？「原來蛋是歷史悠久的點心，古稱寒具。 子大江南北均有，可鹹可甜。粵式裹着一層糖膠的蛋 以，以入口酥化而有蛋香為佳。
而要搵到符合以上要求的叉燒包同蛋，原來在大角嘴的魚翅城就可以搵到，而且唔單止以上兩款，這裏重有好多靚點心。
店名：魚翅城
地址：大角嘴海輝道11號奧海城1期高層地下8-9舖
電話：22714328
營業時間：周一至六11:00am-11:00pm、周日及假期10:00am-11:00pm
識食的都知道海都的黃橋燒餅鬆化，譽他是黃橋燒餅之王一定沒人會反對。富豪級人馬如何鴻燊、榮智健，甚至所有食家如梁玳寧、劉致新、劉健威等都對其點心讚不絕口，其中以灣仔新鴻基分店的水準特別好，要食靚點心，特別係黃橋燒餅，認住呢間。
店名：海都海鮮酒家
地址：灣仔港灣道30號新鴻基中心2字
電話：28279938
營業時間：11:00am-2:30pm、6:00pm-10:30pm
王家沙於黃埔開新店，這家新店與有五十七年歷史上海元祖店味道分別不大。因為師傅全在上海老店學藝歸來，所以香港版的蟹粉生煎包聽說不只餡料至味道均是源自正宗，而且同樣皮薄多汁，蟹粉同樣鮮味，而賣相就更加精緻，所以不用去上海都可以歎到這個正宗生煎包。
店名：王家沙
地址：紅磡黃埔花園黃埔新天地第八期蔡瀾美食坊3樓2號舖
電話：23650669
營業時間：11:00am-3:00pm、5:30pm-11:00pm