意大利品牌Moschino前晚在中環置地舉行春夏新裝展，座上客之一的趙世光紅顏知己譚玉梅對於雜誌報道她是「富豪中間人」Boe媽的密友，大發雷霆指Boe媽利用她見報，更劃清界線不認識對方。而Boe媽昨日在沙田馬場，當着記者面前致電譚玉梅，大罵她「鍾意搞是非」。
意大利品牌Moschino前晚在中環置地舉行二○○三春夏新裝展，到場嘉賓包括趙世光紅顏知己譚玉梅、英皇3T成員鄭希怡（Yumiko）、李桂蘭和兒子及其女友等。
譚玉梅以Moschino低胸新裝到場，但口黑面黑。事緣有雜誌報道楊恭如與七十多歲上海富豪朱紹雲飯局，負責穿針引線的「富豪中間人」Boe媽（顧紹芬）是譚玉梅的密友，前晚譚玉梅大發脾氣，揚言不認識Boe媽說：「我唔識Boe媽，唔可以亂寫。」記者問她可會叫Boe媽道歉？譚玉梅說：「我唔想幫人宣傳，朋友分好多種，唔通見面sayhello又叫識？」
譚玉梅還說Boe媽利用傳媒，她說：「香港地好多呢啲人，畀啲錢就可以登報。我冇乜知名度，係平凡人。」問她可是知道對方是「中間人」，怕影響聲譽？她說：「我唔知佢乜嘢底！我𠵱家有男友，生活好開心。」
而Boe媽昨日在沙田馬場，記者追問她有關譚玉梅的言論，她即時火起，直撥譚玉梅的手提電話怒罵說：「你同記者講我，你唔使咁樣啩，我同你都冇衝突，你鍾意搞是非妳自己搞，我唔想同你搞，我從來冇同記者講過識你，我同你都冇關連。」其間Boe媽更將電話遞予記者，雙方對罵兩分鐘後掛線。
Boe媽向記者說：「氣死我啦！係佢鍾意出風頭，我係正人君子，我信觀音菩薩，全世界都係我朋友，係唔識佢咋！」
譚玉梅昨日接受電話訪問時，重申二人的關係說：「我想講清楚，我同佢（Boe媽）冇乜關係，佢只係我客人，唔係我密友。中環嗰間滿漢居我朋友有少少股份，佢嚟食飯大家打過招呼，佢話想買禮頓山，咁我做地產，當一單生意，可以抽佣，就帶過佢去睇樓，係咁多。」
採訪：RitaLeung
