「以前喺宿舍六個人住埋一間房，大家生活習慣唔同，成日有拗撬，𠵱家搬咗嚟呢度，叫做自己有間房，梗係舒服好多啦。」四十七歲的阿偉說。
以往任職麵包師傅的阿偉，縱有一技之長，仍難躲開失業的泥沼，三年多前麵包店結業後，未能做回老本行，惟有被迫申領綜援金維生，間中任職清潔散工，賺錢寄回鄉間湖北供養妻子和四歲兒子。
「做老竇想買件好啲嘅衫畀個仔着都冇能力，早幾個月唔見咗本回鄉證，我連補領嘅錢都畀唔起，好耐都冇見佢兩母子。」阿偉歎道。
生活潦倒的阿偉，年來輪流居於多間社會服務機構轄下的單身人士宿舍，直至農曆年前，找到一間唐樓的獨立分租房間，業主更願意破例免收其按金和上期，他才得以搬離宿舍。然而，他卻沒有餘錢購買家居基本的電器。
「𠵱家瞓緊呢張床、雜物櫃同埋張枱，都係喺鴨寮街買嘅二手貨，夾埋都係用咗二百幾蚊。成間屋就係咁多嘢，其他乜都冇。」阿偉說。他盼獲贈電視機、雪櫃、風扇及電飯煲等電器，以改善生活。「最緊要有個電飯煲畀我，咁我就唔使日日出街食咁貴。」
捐款編號：C0868
暖流熱線
電話：29908688
傳真：23702192
電郵：
網址：