各位住喺新界嘅車迷，你哋有福喇！事關位於沙田第一城商場3樓嘅皇室（第一城）車展分店，已於昨日正式開幕，咁睇車買車就唔使長途跋涉出九龍啦！開幕當日可謂星光熠熠，除有大家熟識嘅著名香港車手毛亦強先生、方程式車手鄧穎詩小姐、香港橫滑會會長吳海棠先生等等外，重有影視紅星張慧儀小姐及陳敏之小姐出席㖭！同場亦展出咗多款名車及改裝車，另外車迷重可以與新款雷諾方程式賽車近距離接觸，兼且重可以有機會試坐價值400萬嘅林寶堅尼跑車遊車河，係咪好吸引呢？
重有呀，由即日起至6月15日，於皇室車展啟德總店或第一城分店買車，並由永亨財務有限公司成功安排上會的話，即可參加大抽獎，有機會贏取豐田WiLLCypha汽車一部；想買車嘅你，重唔快啲飛身去皇室車展睇睇。