咪以為麥當娜（Madonna）身家有成三十一億港紙就會亂使錢，聽講娜姐自從嫁咗畀基里奇（GuyRitchie）後，就變咗師奶一樣，一分一毫都計到足！據講娜姐最鍾意剪晒報紙雜誌嘅超級市場coupon嚟用，佢喺屋企嗰陣，重規定冇人喺房就一定要熄燈，重唔畀啲工人同助手喺佢屋企打長途電話㖭！娜姐咁做，好聽嗰句咪慳家囉，不過唔少人喺背後話佢孤寒㗎！