雖然近年全球經濟未見有起色，但德國寶馬車廠響2003年2月嘅汽車銷售數量，則較去年同期微升0.4%；包括Mini車系在內，上月寶馬汽車共售出74,650部新車，較2002年2月嘅74,380部多出270部，成績令人感到滿意。
若將寶馬及Mini車系分開計算，前者因不少型號已到達轉款期，例如5系等等，因而令銷量較去年同期售出67,930部新車相比，下跌約8%（只售出62,470部）；但相信隨着新一代5系房車及Facelifted新版3系Coupe、Convertible及Compact於今年推出，再加上Z4開篷跑車登陸歐洲市場，相信全年總銷量會較2002年有明顯改善。至於向來備受車迷追捧嘅新Mini，則有多達12,180部新車交到顧客手上，從而可見新Mini係幾受歡迎呢！