一名曾經擁有一家僱用百多名員工的水喉工程公司東主，霎眼間變成一個餐風宿露的流浪漢，說起往事，波叔百般滋味在心頭。
「我二十幾歲就做到判頭，以前最高峯時期，試過搵幾萬蚊，甚至十萬蚊一個月，𠵱家就要推車仔喺街執爛銅爛鐵攞去賣。」五十六歲的波叔歎道。
年前，波叔的公司倒閉，更一度欠下二百多萬元債務，但他卻沒想到在人生最低潮時，他與妻子的關係竟因經濟問題出現裂痕，百般無奈的波叔只得離家出走，最後在身無分文下展開長達半年的露宿生涯，其後獲社工安排入住露宿者之家，近日，他與數名室友合租唐樓單位，每人月租一千五百元。
「我同佢哋都係啱啱申請綜援冇幾耐，由於之前住宿舍，所以冇租金津貼，今次租屋都要我哋先用生活費去交租，然後攞租單去社署先會發番津貼畀我哋。」波叔表示，他們現時各人身上只剩數十元，難以捱到社署發還津貼的日子，只靠社工送贈少量乾糧和白米餬口。
蘋果日報慈善基金有見波叔等人困境，即時撥款二千元予他們作為臨時生活費。另外，他們尚欠一室家電，包括電視機、雪櫃、餐枱、椅子、碌架床、電飯煲及煮食爐等，有待善長捐贈。
捐款編號：C0859
暖流熱線
電話：29908688
傳真：23702192
電郵：
網址：