城市人，慣了追趕跑跳碰的生活，逛西貢市中心，會覺得很煩。
抱怨前面的人走得慢，礙着時間「唔見使」的你走路；竊笑這裏的店舖，盡賣「唔等使」的家具精品，好無聊。不要煩不要躁，時間「見使」的話，且偷半日閒，逛逛這些「唔等使」的店舖，或許你會享受到西貢那份不一樣的輕鬆。
夫妻檔，先述人貓情，Sam唱：「咪誤會，我哋唔係因為貓而結合，咁蹺大家都鍾意貓咁解啫。」Joyce隨即說：「不過我哋生命裏面唔可以無咗貓。」舖內兩隻小頑皮，1歲的阿寶與3歲的Lily，東奔西跑，左跳右跳，難得地從沒出亂子，Sam再唱：「佢哋未試過打爛舖頭啲精品。」Joyce再說：「頂籠唔覺意踩到Fax機，嘥晒成卷Fax紙。」
談貓，有說不完的趣事，Joyce說：「呢缸金魚，係我兩夫妻同兩隻貓嘅共同寵物。」話說某日，有熟客私自餵金魚，Lily不吃，卻用前爪左挑右撥，把地上的金魚翻來翻去：「缺水15分鐘，條金魚都死唔去，咪索性買個缸養起佢，見得一條咁悶，咪買多條湊夠一對囉！」
熟客也愛他們的命根子，經常幫襯，就像採訪當日，兩夫妻與一班美少女開生日會：「班妹妹仔成日嚟睇貓，大家都好熟絡，咪一齊砌蛋糕囉。」
貓雜貨（27915115）
地址：西貢福民路42至56號西貢大廈12-13號地舖
營業時間：星期一至五11:30am-8:00pm；星期六及日11:30am-10:00pm
名字雖然叫「泰友FEEL」，但貨源可不局限於泰國一地，驟眼看已有印度頸鏈、西藏燈飾，埃及香水瓶、尼泊爾首飾盒等大堆精品，店主Nelson每月便會飛往東南亞、大陸入貨，購入平靚正的精品，故客人亦會以十多歲的年輕人為主。
泰友FEEL精品店（96299926）
地址：西貢福民路42-56號西貢大廈11號地下
營業時間：星期一至五12:00nn-8:00pm；星期六及日12:00nn-9:00pm
西貢市中心有很多燈飾店，卻以這間最開揚，售賣的各類燈飾亦較合年輕人口味，售價？平貴皆有，有興趣不妨一逛。
西班牙入口，樹脂用料的好處是可調校更多顏色，精透度高，加上是手製圖案，獨一無二。
燈屋$930
最受年輕人歡迎的燈飾，光夠亮而不刺眼。
ArtifacII（27929700）
地址：西貢宜春街2號地下
營業時間：星期一至五12:00nn-7:00pm；星期六及日12:00nn-10:00pm
又是夫妻檔，Thersa簡單直接：「我愛植物，所以開花檔。」Wing工於心計：「開花檔，因為我知道西貢居民鍾意花，有錢賺。」
原身是火把，在上放上小盆栽，則變成高身花樽。
T.Five（27929372）
地址：西貢福民路42至56號西貢大廈7號地舖
營業時間：星期一至五12:00nn-9:00pm；星期六及日12:00nn-10:30pm
在西貢區售賣古董家具的明太祖，以售賣經翻新的舊家具及仿古家具為主，貨品不算昂貴。
負責人劉先生：「近年有不少年輕人加入購買仿古家具行列，但通常都是一件起、兩件止，以地櫃和床頭櫃較受歡迎。」
明太祖（27927271）
地址：西貢福民街西貢大廈24號地下
營業時間：星期一至日10:00am-8:00pm
自從音樂人盧冠廷經營了這間健康食用品店以後，幾乎成為了西貢的新地標，至少隨便問起一名街坊，都能輕易答得出店舖的正確位置。開業不過三數年，每逢周末一到，關心地球生態的環保分子、追求健康生活的都市人，又或者和盧冠廷一樣患有敏感症病患者，都會遠道來到店子裏東摸摸、西摸摸，看看最近有甚麼新貨推出。
原來我們平日接觸的棉花布公仔，經太陽曬或人手觸摸後，只要遇上熱力便會揮發出化學物質，這個美國來的手製棉花公仔，便針對了上述問題，使用不含農藥的有機棉花，而且公仔上的眼耳口鼻用線繡成，不怕小朋友誤吞膠珠落肚。
最新推出的防蚊用品，有屋企用的蚊香、放在魚池積水內的滅蚊餅、防蚊身體噴霧等，主要成份為香茅，有驅蚊作用之餘，又不會揮發出甲醛，夠晒安全。
這個手提迷你空氣清新機，無論身在汽車、辦公室或酒店，只要在150平方呎的有限範圍內，空氣中的塵埃、化學物質、活性碳、細菌等都會被一一隔走。
綠色生活專門店（27920106）
地址：西貢沙嘴街5號地下
營業時間：星期一至四11:00am-7:00pm；星期五至日11:00am-8:00pm；星期三休息