政協投票選主席選常委，但有成二千一百幾人有投票權，你話叫啲人生路不熟嘅港區政協點拉票？
不過，投票結果又幾有趣。首先係排第一嘅陳永棋，有二千一百四十二票贊成，三票反對，一票棄權；余國春第二，接住係吳光正。八方打長途電話恭喜棋哥做票王，佢連聲多謝，問佢點解咁威水跑第一，佢話唔知。
至於包尾三名，分別係何柱國、李澤鉅、張永珍；小超人同張永珍有成十七人反對，莫非李澤鉅後生招人忌？何柱國就最多反對票，共二十一票，何解呢？棋哥見八方咁多嘢問，立即話一概唔知。
傳真︰2623-9278
電郵︰