楊千嬅昨日往新城電台接受訪問,節目完畢後,她需趕赴台灣做宣傳,千嬅說:「呢排禽流感好犀利,有人同我講話唔好食雞,唔食雞咪食麻辣火鍋囉,咁鬼辣乜嘢(菌)都辣死晒啦!」 「返酒店先爆」 千嬅續說:「講開麻辣火鍋,我識有啲人唔食得辣,呢頭食完嗰頭就屙,我就點都要忍到返酒店先至爆嘅。」談到近日的奪命肺炎,曾做護士的千嬅表示已提醒家人和朋友多服食維他命丸。平日千嬅見工作人員咳嗽,會派維他命丸給對方,增強抵抗力。不過,千嬅卻沒有服食維他命丸的習慣,她表示全因自己懶惰,又大頭蝦。 採訪、攝影:陳梅香