被車迷譽為係「BabyLamborghini」嘅全新林寶堅尼Gallardo跑車，終在剛舉行嘅日內瓦車展中曝光；新車無論造型抑或性能表現都極富吸引力。不如𠵱家一齊嚟先睹為快，睇吓佢有幾吸引啦！
林寶堅尼廠方為呢部有「BabyLamborghini」之稱嘅Gallardo，配用一台5.0公升V10偈作動力核心，馬力輸出高達500ps/7800rpm，而扭力輸出數值則為52.0kgm/4500rpm，輔以一套6前速手波，從而令車子起步加速有敏捷強橫嘅反應，難怪由靜止起步至100公里嘅加速度約為4.2秒，而極速更可高達296km/h咁快啦！
以造型而言，全新Gallardo與同廠Murcielago跑車相近，尤其係車頭設計就最能將呢個特點展露出來，而極富肌肉感嘅車身線條，襯以闊大跑車合金胎軨，亦見有一份高性能跑車韻味呢！車廂布局亦與其他同廠跑車一樣，以跑車化布局為主，而一雙桶形跑車座椅亦見有十足承托力呢！