紋身+大膽MV博上位
黃伊汶做豪放女擔起頭家

時裝品牌Max&Co.前晚在蘭桂坊舉行時裝展，歌手黃伊汶（Dior）獲邀任特別嘉賓行騷。Dior透露決心改變形象，稍後會拍攝大膽MV，又大騷紋身，目的只為幫補家計。

時裝品牌Max&Co.前晚在中環蘭桂坊舉行名為「StreetFashionIndulgence」的二○○三春夏時裝展，大玩街頭塗鴉文化，眾模特兒在蘭桂坊街頭行show，吸引眾多途人圍觀，擠得水洩不通。
近期人氣下滑的歌手黃伊汶獲邀任客席模特兒，她示範了四套春裝，壓軸時則以黑色露腰長袖衫襯長褲出場，露出小肚腩，但與穿上比堅尼的名模周汶錡、陳嘉容及惹火外籍模特兒比較，Dior則被比下去。

余文樂小兒科
以玉女形象闖樂壇的Dior表示，今次原想以極性感形象登場，她說：「本來想激啲，嚟緊我會拍一個好具爭議性嘅MV，好sexy、好有sexappeal，公司投資好多錢。今次行show已經比以前性感咗好多，我諗住遲啲等個MV出咗街，再試更大膽嘅形象。」
問Dior即將拍的MV是否有大膽的3P鏡頭？她說：「點止3P，好多P㖭，我嘅底線只係三點不露啫。」日前余文樂的一輯超激露毛相引起全城轟動，問Doir可會仿效？她說：「佢都係好少嘢啫，不過我係女仔，唔能夠接受露毛。」

日本進修開竅
Dior又展示自己在腰間近臀位置的紋身，她說：「呢個係我二十二歲生日時整嘅，當係成人禮，我紋『W』係我嘅姓氏，代表我自己。其實我早排我去日本進修音樂返嚟之後，真係開咗竅，日本嗰邊嘅導師話做藝人就要拋個身出嚟，我嚟自小康之家，屋企人嘅存款愈嚟愈少，我要努力工作呀。」
此外，楊其龍（Gilbert）的模特兒女友Ambra前晚有份行show，Gilbert專程駕駛其保時捷座駕接女友放工。Gilbert大讚女友是全場最靚的，又笑言已認定對方為結婚對象，連其父楊受成都表示非常滿意「未來新抱」。
採訪：JessicaNgan、RitaLeung
攝影：MatthewLam