特區政府認真大鑊，大鑊到環境運輸及工務局局長廖秀冬噚日出席中大環保周開幕禮，致辭時亦唔講「環保」住，要先挺梁錦松。
「小公主」冬冬雖然一身荷葉領白襯衣配傘裙套裝去植樹，但心情一啲都唔輕鬆，一開口就話政府呢排受盡壓力，亦體諒在座都係財赤受害者，政府迫不得已先加稅，請大家多多包涵，總之「沙晒冧」講盡好話。睇得出阿松「偷步買車」事件後，政府內部都感受到預算案情勢告急，人人都要全力護航。
（圖）地球之友總幹事吳方笑薇瞓喺由棄置菲林筒做成嘅長櫈，狀甚舒服，廖秀冬（右）得個睇字。
傳真︰2623-9278
電郵︰