消費者委員會及香港記者協會合辦嘅「消費權益新聞報導獎2003」，《蘋果日報》記者簡慧茵憑「踢爆超市搶錢六招」勇奪新聞組別銅獎；呢段新聞，雖然令《蘋果》冇晒超市廣告；但同事得獎，可喜可賀。今日係全球消費者權益日，頒獎禮就專登揀喺噚日舉行，重請到經濟發展及勞工局局長葉澍堃做頒獎嘉賓㖭。
消委會主席陳志輝話，今屆入圍作品水準都好高，評審團商議咗好耐先定到名次喎。金獎由《星島》的劉國業、賴振雄及李景偉奪得；銀獎是《明報》的杜寶琪。
至於喺《蘋果》有「消費之花」之稱、跑咗消費新聞兩年幾嘅簡慧茵因人在台灣，所以唔可以親自領獎。佢喺長途電話中鬼咁開心話，呢個係入行以嚟第一次攞獎，遺憾嘅係身在寶島：「我會繼續努力，希望下年又攞到獎。」阿茵噚晚喺台灣台大醫院同當地同事採訪一對患咗肺炎嘅夫婦，為四月出版嘅台灣《蘋果日報》做熱身準備。
傳真︰2623-9278
電郵︰