周三晚，美股杜指兩度下試7400不破後，由低位7416大幅反彈回7552收市，倒升28點。杜指似有喘定迹象，但港股昨日仍跌87點，收8787。
恒指昨日創99年以來收市新低，沽空金額亦大增至6.85億元，1隻滙豐（005）已高達2.89億元。滙豐昨日收81.25元，再跌至小型橫行區底部支持位，若確認跌穿，量度跌幅可見77.50元，下試去年10月底部78元。
滙豐技術走勢逐漸轉弱，對港股不利。本來恒指昨日低位8764，未有跌穿周二低位8757，再加上外圍歐洲股市大升，若昨晚美股持續回升，港股有望跟隨反彈。不過，滙豐有轉弱迹象，長實（001）、和黃（013）及新地（016）尋底未完，恐怕外圍縱出現反彈，港股亦未必跟足。
趙飛雲雖然睇淡後市，但現水平不會追入造淡，寧願等候恒指反彈近9029阻力才追入恒指Put輪。睇番近期恒指Put輪數據，似乎9751最吸引，8月28日到期，溢價2.3%，槓桿率14.2倍，但睇真啲，原來呢件係「封底輪」，FloorLevel喺8200，玩唔過，都係玩9587或9674好啲。
昨日大行老友報料，意科控股（943）可能今日復牌，不妨留意。技術走勢方面，意科由去年4月至今，保持一浪高於一浪走勢，3月3日高見0.27元後出現整固，但仍守20日線支持（現處0.243元），可在0.25元附近上車，跌穿0.23元止蝕，初步目標上望0.30元。
趙飛雲