李鵬告別政治舞台，唔做人大委員長，但佢個乖仔李小鵬就繼續做「亞洲電王」，統領有一萬四千幾兆瓦裝機容量嘅華能國際電力，噚日重第一次來港主持業績記者會。李小鵬表現淡定，雖然略帶官腔，但分析員同記者對佢印象都唔錯。
八方問小鵬，政府換屆對佢同埋間上市公司有冇影響，佢即刻引述中共總書記胡錦濤語錄：「一心一意搞建設，聚精會神搞發展」，佢話有領導呢句話，中國經濟一定向好，華能國際都會繼續發展；八方再問佢，其父李鵬退出政治舞台對佢嘅影響，點知佢身邊嘅人即時擋駕，話只准問業績有關問題，小鵬就笑笑口咁同八方拜拜。
（圖）李小鵬噚日首次來港主持華能國際電力嘅業績記者會。
傳真︰2623-9278
電郵︰