阿松偷步買車搞出個大頭佛，架「偷步凌志」唔知幾時先出嚟畀大家見識吓，議員揸車返立法會則冇咁多顧忌。噚日鄭家富揸住架豐田八人車，非常熟口面。阿富冇阿松咁豪，三年前換車唔換款，揀番上一架車嘅型號，一來阿富老婆外家人多，二來貪架八人車有天窗，最啱佢選舉巡街時企高拉票。
劉炳章同阿松一樣都係凌志，不過係三手兼七、八年舊車；馮檢基亦自嘲架萬事得屬「渣車」，加稅都唔會影響車價。唉，阿松出咗事，都唔使咁謙嘅！
（圖）鄭家富換車唔換款，多年都鍾情豐田八人車。
傳真︰2623-9278
電郵︰