娛樂圈有三個常見的自辯理由：
（一）「我係鬼妹仔性格。」：——當藝人出言不遜行為不檢引起反效果，或得罪人，或沒禮貌……都會強調自己鬼妹仔（或鬼仔），以示「豪放率直」，而非冇教養。
（二）「我唔敢搭地鐵同響街邊篤魚蛋。」——一種迂迴的說法，暗喻自己已紅得在公眾場合出現被人認出，便引起騷亂以致封路之不便。亦表示再也不能過平民百姓生活了。
（三）「我係番書仔，中文唔好。」——中文不好，即是英文好啦？讀番書，所以一些中國人顯淺的俗語和句式都不太明白，詞不達意。
以上藉口，十多廿多歲，讀書不成便在江湖闖蕩的藝人愛用，誰理得？同民生沒有關係，不捧場便不用花費。
但由市民出糧的財爺多次失言，竟以「番書仔」自辯。先不談政治警覺性低不低，政治誠信夠不夠，年紀一把，閱歷豐富，連一句廣東話也用詞不當，見微知著，如何掌管本港財經政策大權？有何資格收那麼高人工？要不要母語教學再培訓？不如又效避稅事件把本月薪金雙倍捐給慈善機關，或津貼折墮的港人以平民憤吧？