70年起，卡通片大行其道，但套套都係「變身，打怪獸！」咁鍾意鋤強扶弱，㗎仔都算正義嘞！隨之而起，就是劇中人物的吸塑膠公仔，喺當時嚟講，每個公仔都要成十蚊八蚊，有幾多人負擔得起！但唔好講笑，到03年，佢哋更升值廿幾三十倍，咪睇佢哋殘殘哋又甩色，但重貴過一對Converse呀！
記者：梁佩芬
攝影：周旭文
76年開始播映，全38集的《無敵飛天俠》，共有四個主角，店內只得其中三隻。古仔內容講海底帝國要嚟侵略地球，聯合國尤利博士就搵咗四個有超能力的人去控制飛天俠，去拯救地球，喺適當時候個頭會變成飛機打敵人。
二手：$380/三隻
即磁力鐵甲人，故事大約講飛天鑽全身都係磁石，可以解體，之後個頭就變做機械人，當然係用嚟打怪獸。最特別係，七十年代玩具以膠袋加強卡紙就係包裝。到了八十年代開始用盒裝。此種包裝頗為罕有，但個袋就爛爛哋。
二手：$250
Q太郎玩具
地址：旺角皆旺商場2樓Shop202
電話：60274042
網址：