港龍國泰因航線起紛爭，大打輿論戰，國泰本來佔上風，但港龍最近重組公關攻勢，奪回失地，點知噚日聆訊重開第二日，竟發生證人失蹤、大狀受創半路離場事件。
噚日輪到港龍企劃及國際事務部總經理林愛華作證，港龍代表律師胡漢清大狀問問吓，國泰代表律師小夏鼎基企起身話林小姐好似對稿讀，想知道佢睇住份乜嘢，法官於是叫暫停，畀大家搞清楚，為時三點。
十分鐘後各就各位，林小姐就唔見咗，原來佢去咗影印，法官只好叫小息，去搵林小姐返來。大家等到差不多四點，諗住開波，胡大狀突然又話要退出，原因係小夏鼎基嘅說話令佢覺得受到傷害；小息半句鐘後，胡大狀真係走咗，但留低一個好消息，話佢唔會退出聆訊。
傳真︰2623-9278
電郵︰