最近頭頭碰着黑嘅梁錦松，噚日去四大商會午宴講預算案，阿松出身商界，呢次返娘家，以為班商家會放佢一馬啦，點知佢哋睇到份預算案，一樣頂住條氣，台下提問時，冷嘲熱諷，兼而有之。
好似一開波就有人寸阿松，為乜班高官減人工就減少少，減班菲傭最低工資就一成咁斬落去，咁又點算公平預算呢？阿松話菲傭問題係煲呔人口政策範圍，唔關佢事。
跟住有人重抵死，用救火妙喻減赤，話佢屋企附近消防局好有效率，三幾分鐘到場救人救火，希望阿松向消防處學習吓，佢重話既然阿松咁鍾意用中文歌玩憑歌寄意，佢就整番句中文相贈，嗰句係乜？就係「遠水不能救近火」！咁樣睇法，商界對阿松份預算有幾大信心，真係唔使多講！
至於有傳聞話阿松曾向老董請辭，呢個八方真係冇法查證啦。
﹙圖﹚阿松中午俾人窒完，下晝喺立法會都冇晒心機。
傳真︰2623-9278
電郵︰