下個禮拜五會展有個大型活動不宜錯過，呢個活動由廉署、旅遊服務業協會、酒店業協會等八大機構一齊主辦，名為「誠信旅業，致勝之道」。佢哋請咗李少光專員、鄭汝樺專員、周梁淑怡議員以及旅遊業酒店界大班翹楚，交流研討，講足一日重會食埋晏，參加者只需交二百七十蚊，抵到爛。
據主辦單位介紹，搞呢個大型會議，目的係「探討如何實踐誠信管理及業界關注的專業操守課題」，以及「建議最佳工作守則以防止貪污舞弊或有違操守的行為」。大會重非常非常有面，請到財政司司長梁錦松主持開幕禮兼致辭，等大家分享佢對誠信管理同專業操守嘅高見及經驗，真係請假都要去聽。
傳真︰2623-9278
電郵︰