謝霆鋒昨日舉行復出記者會，吸引過百中外傳媒採訪，不少廣告商及電影公司代表均有到場，連霆鋒舊愛張栢芝的經理人向太陳嵐亦盛裝出席，但卻只得四名fans到場守候偶像，場面凋零。向太早前為栢芝兩度公開炮轟楊受成，昨日二人有講有笑，成為全場焦點，幾乎蓋過霆鋒的風頭。
謝霆鋒昨日在君悅酒店舉行「謝霆鋒BrandNew記者會」，正式宣布其復出大計，現場請來不少電影導演及廣告商支持，其中曾因旗下藝人張栢芝遭雜誌追訪，而兩度炮轟楊受成的向華強太太陳嵐亦有到場。向太昨日與楊受成有講有笑，又碰杯祝酒，還被安排坐在主家席，幾乎連霆鋒的風頭都搶去，看來她與楊受成已冰釋前嫌。
向太昨日與楊受成有說有笑，又受邀上台與霆鋒一起祝酒，頓時成為傳媒焦點。事後向太接受訪問時說：「我鬧《東地》啫！我細細個就識楊生㗎啦，我哋冇嘢呀，係楊生打電話畀我叫我嚟㗎！」問向太可有與楊受成商談合作？她說：「我都有用佢哋啲人呀，好多嘢傾緊，未落實。」
而楊受成被問到與向太的關係時則說：「係我請向太嚟，我哋好好呀，一直都冇嘢，係報紙亂寫啫。」說罷急忙離開。
昨日霆鋒以一身白衣黑褲打扮示人，他在煙花襯托下出場，並即場播放一段有關其未來工作的片段，包括可口可樂等數個廣告及將接拍許鞍華執導的新戲《玉觀音》，並宣布獲委任為兒童危重病基金會的宣傳大使。霆鋒又透露新碟預計會在五月推出，而本周六參與《博愛歡樂傳萬家》慈善演出後，會赴澳洲拍攝音樂特輯。
工作行程排得相當緊密的霆鋒，自言現時沒有拍拖，被問到這是否真心話時，霆鋒即反問：「你覺得我講大話咩？」但問到他為何沒有拍拖時，霆鋒竟以其母花六小時煲湯來扯開話題。
問霆鋒現時感情狀況如何？他說：「呢一年學咗好多嘢，拍拖係學問嚟，我暫時唔學呢樣嘢。同另一個人相處係挑戰自己、挑戰別人嘅底線，要顧及雙方，同獲得雙方身邊幾十人同意先得，有時fans會反對，我冇拍拖，誰明浪子心？」
霆鋒今次記者會以BrandNew（嶄新）為主題，問他是否吸取頂包案的教訓後要重新出發？霆鋒說：「BrandNew只係名銜，小弟依然係小弟，但我休息咗半年冇可能冇改變，總之所有嘢已過去，路遙知馬力，日久見人心。無論係我自己抑或時下年輕人，任何人生嘅嘢，過去咗係冇辦法嘅。」霆鋒並透露他要履行的社會服務令尚未完成。
至於楊受成談到霆鋒時，他說：「霆鋒改變咗好多，肯寫番啲商業歌，以前唔肯妥協，𠵱家識妥協，我好開心。」霆鋒得悉楊受成之言後說：「妥唔妥協見仁見智，唔好話我之前唔肯妥協，我都寫好多商業歌，我從來冇排斥過。」
此外，昨日到場支持霆鋒的除有向太陳嵐外，還有黃百鳴、黃玉郎、黃岳泰夫婦、~H2O+老闆娘余麗絲及四個霆鋒已接拍其廣告的廣告商等。不過，在酒店外只有四名fans守候支持偶像霆鋒，相比起他早前為頂包案出庭時到場支持的fans人數，可謂差天共地。 採訪：李珮洳 攝影：陳志嵐
