阿蟲買車涉嫌避稅，滿城風雨。有立法會議員嗤之以鼻說，區區五萬銀，算係乜嘢！使乜搞到咁大件事！事實擺在眼前，不涉銀碼大細，關鍵在於阿蟲以前是炒家，對掌握入貨出貨的時機應該一清二楚。這次捉蟲入屁眼，活該被彈。阿蟲應該買乜？等我們替他開出清單，可以選擇：
一.買奶粉。只要奶粉供應者不是一個36D奶媽，不會令人心邪諗埋一邊就掂。
二.買樓。幫地產商托市，替孫九招省招牌。全部局長跟隨阿蟲入市，大掃豪宅貨，樓花賣清，那些B字頭和S字頭的豪宅核凸廣告馬上停播，造福市民。
三.買春。既然有咁耐風流，不妨讓大家開吓眼界，睇你真人騷，示範一下甚麼叫做折墮，墮得愈耐愈好。
四.買醉。醉了才知，《錦繡前程》唱到走音，還是唱《有酒今朝醉》的K應景。開車前咪飲，醉了便不能開車，不開車，就不必買車，冇眼屎乾淨盲。
五.買花戴。證明是賺錢買花戴，對財政司個位，根本唔志在，話之市民嘈嘈閉叫佢落台。
六.買教訓。每季買一次，直到老董升上神枱為止。