政府𠵱家正就《基本法》二十三條立法，大家都知道呢條法例其中一部份就係禁止將中國領土分裂，八方噚日去勞工處嘅「求職資訊博覽」，一攞張宣傳單張睇真啲，竟發現勞工處可能真係「衰廿三」。
話說勞工處今年喺展覽中首次增設一個「國內就業資訊廊」，嗰張單張用咗一個中國疆域「老母雞」地圖圖案，但喺「雞蘿柚」地方卻有個缺口，即介乎新疆至西藏西部疆界，同中央政府官方嘅唔同。依八方了解，其實嗰個缺口所指嘅土地，中國話係固有領土，印度話係印屬克什米爾地區，到𠵱家兩國都定唔到界。
呢次特區政府官方機構，竟「放棄」中國領土，唔知算唔算係煽動他人分裂領土？
傳真︰2623-9278
電郵︰