本來話有望提早推出嘅萬事得Mazda62.3公升新版，唔知係咪受到財爺增加汽車首次登記稅嘅影響，突然間又話要押後抵港咁話。據亞Mark打聽得知，原計劃代理引入嘅Mazda62.3新版型號，除四門房跑車外，重有五門SportWagon款式，唔單止引擎輸出夠強勁，佢重輔有一套+/-半自動波裝置㖭！咁動靜皆宜嘅車款，相信定必為香港車迷所受落。之不過，家陣咁嘅時勢，代理定必要重新部署過，而佢哋賣咗批Mazda62.0四門型號畀香港警方，則有望如期四月左右面世，以香港警隊向來咁正面嘅形象，佢哋選用Mazda6作日常代步座駕，肯定能令Mazda6廣收宣傳之效呢！若然你係Mazda6嘅Fans，就要耐心多等一會喇！