金管局總裁任志剛近期想必心情十分靚。
第一，財政預算案公布，果然全力縮減財赤，有「公信力」，杜絕港滙被炒家衝擊；一年遠期美電溢價，噚日回軟至得160點子，低過特首所講嘅300幾點子「衝擊價」成半水平。任總大可暫時安枕。
第二，噚日又傳來喜訊，任總獲國際結算行委任為旗下亞洲諮詢委員會主席，為期兩年。呢個職位過去均由亞洲區央行行長出任，上屆主席乃澳洲儲備銀行行長麥法倫，任總話對殊榮深感「榮幸」。第三件喜事，八方唔講，大家都知係乜啦。三喜臨門，任總開香檳之餘，會否買番架「靚車」，獎勵一下自己呢？
傳真︰2623-9278
電郵︰