「超人心口有大粒癦，對靚女又特別偏心」，呢啲嘢唔係八方亂作，而係黃霑喺港台節目《獅子山下精彩人》中透露嘅。
原來黃霑曾經兩次要求訪問超人李嘉誠，都被拒絕，點知轉頭超人又接受孫泳恩訪問，所以黃霑話超人偏心靚女。之後黃霑透過一位「誠哥好錫嘅女強人」安排，終於同超人喺長江中心頂樓一齊食飯，重知道咗超人一個秘密。
超人話佢後生時有次去台北，喺西門町附近搵摸骨師傅摸骨，點知個師傅話要收多啲相金先肯出手，原來呢位師傅話，超人心口有一粒紅癦，個相大富大貴。當時超人講到興起，即場解開衫鈕畀黃霑睇。據黃霑形容，粒癦位於心口正中，顏色鮮紅。
風水師蘇民峰同八方解釋，「胸懷大痣」意味該人地位高，但未必大富大貴，多數人嘅癦都會因色素沉澱而由紅轉黑，所以超人就零舍唔同。
傳真︰2623-9278
電郵︰