荷李活拉姑彭美拉安德遜（PamelaAnderson）一直係好多男fans心目中嘅女神，最近英國男士雜誌《Loaded》就做咗個調查，原來拉姑係互聯網有史以嚟，最多人下載相片同片段嘅女星，認真厲害！
雖然人人都話拉姑已經out咗，不過我羅拉就話未必喇！直至今時今日，查實重有好多人不時上網搵拉姑嘅資料、相片同埋錄影片段，據雜誌嘅發言人話，拉姑能夠擊敗一眾女星，好可能係因為好多人曾經上網搵佢同前夫湯美李（TommyLee）嗰段超激性愛片段喎！
另外，喺最多人上網下載嘅電影明星名單之中，影后邦女郎荷爾芭莉（HalleBerry）順利成為第一位，而曾經演出《猿人爭霸戰》嘅索女名模艾絲泰娜華倫（EstellaWarren）就輸咗個馬鼻排第二。至於喺歌星嘅排名中，新晉女歌手HollyValance居然贏咗KylieMinogue，近排掛住帶男朋友返屋企見家長嘅Kylie，真係要醒定啲！