陳冠希（Edison）昨日帶病到新城接受《聯fan所》直播訪問，感冒兼發高燒的Edison，為免傳播病菌，昨日特別戴上口罩接受訪問，不過他受訪期間不時咳嗽，狀甚辛苦。
對於謝霆鋒和容祖兒同時病倒入院一事，Edison表示不知情，還說：「我噚晚（即前晚）十點幾先同霆鋒通電話，佢把聲都無乜異樣，不過病呢啲嘢好突然，好似我自己都未試過咁病啦。」
而Edison日前為港台錄音訪問時，揀選了入行以來自覺最重要的九件事與fans分享，其中包括去年底與余文樂的撞膊事件及被牽涉入包裹藏毒案等。Edison自言撞膊事件令他變得成熟，更令他明白誰才是真正的朋友，並透露當時若非有家人的支持，他已經入了「黐線人醫院」。
至於一直困擾Edison的緋聞，他說：「可能我太friendly（友善），但係我唔會為呢啲緋聞而唔理我嘅朋友，friendisimportant（朋友十分重要）。」