上星期六百事BluePower演唱會散場後，在紅館門外，看見一大群少女、師奶圍攏着好像是個賣相的檔攤，好想埋去八吓，可是生得矮，跳高也只看到言承旭的8R相片。言承旭？是剛才演唱會的現場相片呀！嘗試再迫進去，始發覺當中原來有個阿伯，已被她們迫到貼埋牆兼滿頭大汗，旁邊還有個蹲在地上負責取相的男孩，「細佬，1號、3、4、10號……言承旭、仔仔要全套。」細佬頭頂放着個大紙板，貼有共14張附上編號的F48R相片供大家選擇，Fans怕偶像相片賣光，扯下板上的照片，阿伯即喝止：「你咁唔守秩序，我唔賣畀你喇！」總之，場面非常混亂！
30分鐘過去，人群才漸漸散去，但我最喜愛的那張照片也沒有了！「阿伯，為甚麼不多曬幾張呢？」「我已每套曬了40多張，又要入膠袋，一家五口都出動了，哪裏趕得及呢？」原來場內有記者替阿伯影相，場外有老婆仔女幫手，14款相，每款40多張，每張售$30，嘩！短短兩小時，就做了萬多元生意，被人迫埋牆都抵啦！
記者：鄒家鳳