孫佳君昨日出席電影《某年某月某日》的開鏡禮，她切燒豬時胸部緊貼着監製伍健雄，又踢爆雄仔一日打十多次電話給她。曾與李麗珍傳過緋聞的雄仔，看來又睇中了孫佳君。
孫佳君昨日在太子出席由伍健雄監製的電影《某年某月某日》之拜神儀式，同場還有謝君豪、韓君婷、劉愷威、姚嘉妮和黃琛如。當雄仔率領眾演員切燒豬時，身穿露臍裝的孫佳君顯得十分熱情，幾乎整個上身貼着雄仔的背部，她如此大方請雄仔「食波餅」，難怪雄仔整日都笑逐顏開。
以往雄仔跟李麗珍、姚樂怡合作時曾先後傳過緋聞，昨日記者問孫佳君會否擔心跟雄仔傳出緋聞？她說：「唔知呢，不過佢一日打十幾次電話畀我。」記者再追問雄仔是否符合她的擇偶條件？孫佳君笑說：「睇佢就知符合條件啦！我承認係有追求者，但冇一個係穩定對象，要搵一個好男友唔容易。人生係可以有好多個階段，𠵱家我覺得自己拍戲同私生活都幾開心。」
此外，姚嘉妮在《某》片與劉愷威演情侶，兩人在戲中有親熱戲，記者問姚嘉妮拍感情戲會否問准男友林祖輝，她說：「人哋（指劉愷威）夠有『好朋友』（廖碧兒）啦！好心你（劉愷威）認咗去啦！係人都知你哋一齊。」當時劉愷威只笑不言，並未有反擊。
採訪：魯萍
攝影：甄朝健