八方日前講過，本港三大電視台打仗打到中東，無綫出動巨頭黃應士RayWong，但係蝦碌鏡頭都唔少，特別係人稱阿Sir嘅RayWong，佢老人家唔只出鏡，重做埋採訪報道，真係使唔使咁博呀？重有，成棚領導去晒，香港有事點算好？一位無綫中人更擔心，未打仗就咁多人走晒出嚟，唔知到真正開戰時有乜畀人睇。
無綫做大Show，有線同亞記就默默耕耘，聽有線中人講，佢哋其實一早就已經去咗伊拉克，吳曉東跟住美軍周圍去，馮德雄就四圍深入採訪，班手足博到盡，希望有啲好嘢畀香港人睇，目前重未正式開戰，好戲在後頭。最後真係唔知邊個台留守到尾。
﹙圖﹚有線助理總監馮德雄帶隊在伊拉克採訪。 有線電視圖片
傳真︰2623-9278
電郵︰