響今屆日內瓦車展上，紳寶於會場上展出全新9-3Convertible車系，深受在場車迷歡迎；在造型設計上，新車賣相可謂十分吸引，除依舊保留原有新版9-3車系，極富活力感嘅車身線條外，改用上軟篷頂配搭，更可讓你盡享開篷駕駛嘅樂趣㖭！至於車廂方面，亦會與9-3硬頂型號相近，當中一雙仿桶形跑車座椅有頗高承托力，乘坐貼服舒適外，車上設備配搭亦見齊全，使用十分方便；而軟篷頂開關亦甚為容易，只需輕按控制鍵便可於短時間內將之關上。
然而，引擎亦有兩個配搭供用家選擇，雖然同屬2.0公升直4Turbo引擎，但就分別配用細Turbo（2.0t）及大Turbo（2.0T），馬力輸出為175匹及210匹，配以5或6前速手波，又或者係5前速自動波，不但令新車有更出色性能表現外，更能為你帶來更高駕駛樂趣。有興趣嘅車迷，就要留意新車嘅到港日期喇！