阿松呢排咁黑仔，民望差啲低過佢老友馬時亨，八方噚日見到佢老哥，已經成個謝晒，全無還擊之力。後嚟八方聽一位官場中人講，阿松個句「有咁耐風流，有咁耐折墮」其實係佢嘅口頭禪，成日掛喺口邊，今次喺電台衝口而出，肯定係唔夠小心謹慎。
佢重話，班高官個個都對呢啲嘢好敏感，好似某官員如果負責房屋政策，就絕對唔會輕易買樓或者買同房地產有關嘅股票，以避嫌疑。
至於今次嘅阿松事件，佢就覺得古仔好簡單，唔需要開乜嘢聆訊。
對於阿松自認番書仔，有心水清之人就踢爆佢當年係英華仔，老師有陳耀南，喺陳教授指導下，中文根基甚佳，重曉吟詩作對㖭。
八方就覺得阿松衰在公私不分，乜都係佢嘅私事，叫人唔好問佢，咁咪搞個大頭佛出嚟囉。
慢踰蝸牛快似風，
五社健兒爭長雄，
人生亦如長跑賽，
堅毅沉潛奏膚功。
傳真︰2623-9278
電郵︰