【本報訊】最低經紀佣金制即將撤銷，業界擔心有更多證券行倒閉，令經紀失業。不過，多家證券行卻藉招攬經紀，擴大客量，實行「密食當三番」。市場人士說，個別證券行更不惜以「轉會費」吸引經紀過檔。不過，有經紀說，雖有挖角潮，但經紀收入主要來源仍是交易佣金，股市淡靜，他們仍要艱苦經營。
市場人士指出，多家證券行如御泰、信誠及富昌等，除了刊登廣告聘請經紀，更在市場挖角，「輝立同工商東亞重出到『轉會費』，吸引業績好嘅經紀，例如先畀5萬元誠意金，過檔後做得好嘅，就再畀多5萬元。不過，工商東亞喺兩星期前取消咗轉會費，輝立就重有。」一名經紀說。
另一名曾於輝立任職的經紀透露，輝立一直有以「轉會費」吸引有實力的經紀，金額大概是該名經紀生意額的一兩成。
不過，他指出，「好多肯過檔嘅經紀，其實唔係咁多客，但自己炒埋一份，就將轉會費作本錢」。他解釋，證券行都會留難欲過檔的經紀，令他們的客人受影響，所以多客的經紀，如非證券行倒閉或有特別原因，大都不會「轉會」。
信誠證券高級投資經理連敬涵說，最低經紀佣金制即將撤銷，證券行惟有「谷大」客戶基礎，其中一個辦法，就是招請更多的經紀，由於證券行本身已投資大利市機、電腦等基本設備，而經紀屬自僱人士，沒有底薪，加上投資者選定某個經紀後，大多不會變動，即使經紀轉職其他證券行，顧客大都跟隨，所以多一個經紀，就多一個賺錢機會，「最近就有很多其他行的經紀過檔信誠，好似統一、衛達、富聯等，有啲重成條team過檔」。
剛過檔信誠的李子恒，原本在富聯證券工作，自從富聯去年11月結業，曾有多家證券行向李子恒招手，最後選擇落腳信誠，他解釋：「雖然話啲客係跟人（經紀）唔係跟行，但每次轉行，點都會流失部份客人，所以寧願搵間公司背景好，有知名度嘅行，費事做冇耐又要轉過第二間。」
不過他說，雖然經紀不愁沒有落腳地，但要有收入仍得依靠佣金，面對股市淡靜，加上又要與銀行競爭，經紀除了要兼顧投資顧問的角色，就只能守候大市復甦。