剛於上個周末周日，正式開賣嘅全新凌志RX300，響新訂嘅稅制下限量以特惠價$429,000發售，相信會吸引到唔少買家捧場；而亞Mark聽聞部份有實力嘅水貨車行，亦幾乎同步引入咗東瀛本土版嘅新款豐田Harrier，當中「人頭馬」車行更將首部抵港嘅新款Harrier前輪驅動版本，定價於39萬與之抗衡㖭！既有天幕式玻璃車頂、全套高級JBL音響同左右獨立恒溫冷氣外，亦有大口徑合金軨同HID頭燈組合㖭！但願響汽車代理商同獨立進口車商嘅努力下，能令沉寂嘅香港車市，可有復甦嘅希望啦！再者，亦期望響汽車新稅制嘅遏止下，到港嘅新車款仍能夠推陳出新就好喇！