F1將由今年英國站開始，禁止賽車使用循迹控制、起動控制（控制起步時輪胎唔會打滑，保證起步靚），以及全自動波箱都唔准用（但要拍掣嘅半自動波箱則可繼續採用）。TractionControl呢啲嘢喺2001年5月話正式批准使用，而理由係當時FIA監管唔到邊個出蠱惑，於是人人一齊用好過；𠵱家FIA話有新款軟件可Check到邊個違規，呢啲軟件其中一招係鼓勵二五仔，任何爆料證實邊支車隊出蠱惑，便重重有賞。
另一項好具爭議性嘅條例，就係FIA打算由2004年開始，禁止由車傳至Pit嘅電子訊息傳遞，即係Car-to-pittelemetry；呢個講法有好大爭議性，一來呢套系統用咗幾年，家陣所有大細賽車都有使用，竟然響賽車界最有地位嘅F1賽車無得用？真係講笑！而且，Telemetry能夠有先知，從而可防患於未然，部車有乜問題可早啲清楚，唔使搞出事，事關家陣啲F1賽車，快過以前好多嘛！
文：陳自齊