一手提拔余文樂的內地演唱會之父陳達志（Ba叔），被傳已與阿樂翻臉。Ba叔前晚在中環一間酒吧，與鄭中基慶祝生日時，大爆替阿樂接的可口可樂廣告片唔掂，被廣告商要求重拍。Ba叔此言令人聯想到他與阿樂的關係出現問題。
記者昨日致電Ba叔，他表示得啖笑，他說：「其實我係話阿樂拍嘅可口可樂廣告片已經完成，可口可樂嗰邊攞咗三條分別二十秒、三十秒同六十秒嘅版本畀我睇，我最鍾意三十秒嗰條。個廣告喺呢個月十五號就會喺內地同東南亞地區播映，反而香港就未有得播住。」可能Ba叔的半鹹淡廣東話，令到大家會錯意。
另外，阿樂昨日往黃埔出席活動，問阿樂可擔心謝霆鋒復出後會影響他的發展？阿樂說：「呢個市場可以容納好多人嘅，好似四大天王，個個都咁紅啦！」