噚日警方警犬隊舉辦「第八屆犬隻服從比賽」，並邀得警隊「一哥」曾蔭培做主禮嘉賓。八方當然唔放過呢個機會，去問吓「一哥」有關反恐嘅嘢，但就突然見到一個標致可人嘅靚女，望真啲，原來係今屆港姐亞軍左慧琪。佢現職交通部高級警司嘅爸爸左禮宜，同埋媽咪，細佬都有出席。八方好奇問左sir，點解會一家大細嚟捧呢個比賽場?左sir話，佢喺九二至九四年，曾經係警犬隊嘅阿頭，佢重發起搞呢個比賽，認為呢個比賽既可提升警犬隊嘅服務質素，又可以畀啲隊員同警犬，發揮平日練習嘅成果。本身鍾意狗嘅左sir，重專登喺英國買咗隻優質品種嘅狼狗女，叫Yana，為警隊配種，繁殖警犬。左sir又話，Yana已經七歲，𠵱家部份警犬都係Yana嘅仔仔女女。﹙圖﹚左禮宜（左前）曾執掌警犬隊，更是警犬隊服從比賽的發起人，所以他昨日專程與家人，包括獲選港姐亞軍的愛女左慧琪（右），一起出席「第八屆犬隻服從比賽」。 司徒世華攝
傳真︰2623-9278
電郵︰