最近喺多個偶像選舉入面打敗木村拓哉，成為最受女性歡迎男星嘅坂口憲二，原來都幾口花花㗎喎。前日身為代言人嘅佢，幫某牌子奇異果擔任imagegirl選舉嘅評判，佢似乎對勝出嘅佳麗好有興趣，重話：「佢雙腳好長好靚，今後佢入行會遇上好多挫折，但我樂意同佢分憂。」坂口咁樣大讚其他女仔法，唔怕女友小雪呷醋咩？