佘詩曼、歐陽震華、滕麗名、安德尊和蔡子健等，昨日齊往青衣城出席無綫劇集《洗冤錄II》宣傳活動。阿佘無懼天氣寒冷，昨日以lowcut打扮示人，成為全場焦點所在，但卻遭歐陽震華取笑衣衫單薄。
眾演員昨日以死雞大玩驗屍遊戲，蔡子健說：「隻雞係俾阿佘撞死嘅，肇事司機𠵱家被罰停牌三個月。」而安德尊則說：「阿佘要主持劏雞儀式，佢要劏雞還神。」阿佘停牌事件被大家拿來當笑柄，她即時表情尷尬，但最後亦拿起道具刀作狀劏雞。
問到歐陽震華為何取笑阿佘時，他說：「女仔要靚唔怕凍，阿佘可以再着少啲，我都知套劇反應好，唔排除拍第三集。」而阿佘則說：「我之前買咗好多春裝，都冇時間着，呢度咁多人，我諗唔怕凍。大家都取笑我係因為我好蝦，我唔會報仇嘅，五月生日前我就可以攞番個車牌。」
採訪：楊潔雯
攝影：甄朝健