「聯合國兒童基金委員會」搞咗一個「兒童議會」，選咗六十個十二至十八歲嘅中學生做青年議員。佢哋為咗爭取同輩利益，不惜喺過去幾個月，日以繼夜咁做準備，草擬咗五個議案，重諗住請埋楊永強、李國章同羅范椒芬等五個高官，過吓議員癮之餘，重可以同高官一齊講吓年輕人嘅切身問題。點知畀班高官請食「閉門羹」，一一拒絕。
其中一個青年議員Lorraine好勞氣咁同八方講，今個星期六會喺立法會會議室A開會。班高官個個都冇乜責任心，連年輕人嘅心底話都唔畀面聽。Lorraine重話，就算大嘅唔嚟，細（助手）嘅都應該要嚟嘛。八方提議班青年議員，其實唔使咁勞氣，只要畀啲心機讀書，大個之後正式去選議員，咁咪可以問到班高官口啞啞囉。
﹙圖﹚六十個青年議員將於下星期六喺立法會開會，一嘗當議員嘅滋味。
傳真︰2623-9278
電郵︰