香港高官雖然多數讀番書，但論詞鋒銳利，佢哋一樣毫不遜色。除最近財爺梁錦松膾炙人口嘅「有咁耐風流、有咁耐折墮」之外，楊永強局長嗰句「啲錢天跌落嚟㗎？樹生㗎？」重有葉劉淑儀局長嘅「放長雙眼」，以及梁愛詩司長的「把刀一早在你哋頭頂啦」，都係驚人之語。至於何志平局長求得下籤之後話「下籤是籲世人要反省自己……即係話我哋已到了谷底，不可以再衰。」簡直車公廟所有解籤佬都甘拜下風。
不過，班高官相比起董太，可能尚差一截。董太話：「我對政治經濟文盲㗎，我係家庭主婦」，又問「你以為求到上籤，啲銀紙會由天跌落嚟？」疾呼：「信我喇、信我喇」、「最叻就係ComplainComplainComplain」，唔嚇死都笑死。
MindYourLanguage呢一句，番書仔唔知讀過未呢？
傳真︰2623-9278
電郵︰