社會咁多怨氣，大家又要搵食為口奔馳，谷住度氣都唔知點發洩。林奕華同胡恩威配合呢個時機，推出一齣「鬧人政治史詩喜劇」，名為《東宮 西宮》。
呢齣劇先旨聲明，趁「二十三條」未立法，鬧到盡，鬧人鬧足九十分鐘，為六百萬香港人消消氣。咁會鬧啲乜人呢？「一鬧高官無智慧，二鬧傳媒無骨氣，三鬧大學無吉士，四鬧商界無人情，五鬧政黨無識見」。嘩，鬧盡天下人，只有「非常林奕華」同進念二十面體有咁嘅「吉士」，唔知特首同阿松有冇咁嘅器量入場呢？八方不妨話埋畀阿董知，表演地點係香港藝術中心壽臣劇院，日期係四月十七至二十六日，復活節假期除外。
﹙圖﹚林奕華（圖）與胡恩威合作推出一齣「鬧人政治史詩喜劇」，為六百萬香港人消消氣。
傳真︰2623-9278
電郵︰