補鑊都冇用
楊小姐（設計員）：「近年政府樣樣嘢都冇諗清楚先做，事後補鑊都冇用。」
有利益衝突
王先生（汽車銷售業）：「買車時間性令梁錦松非常不利，有利益衝突，𠵱家做乜都於事無補。」
佢要道歉
黃同學（左）及劉同學（中五學生）：「佢好狗呀！佢加稅搞到我哋屋企人少咗錢，佢唔止要道歉，重要改過份預算案。」
無政治智慧
邵先生（的士司機）：「我諗阿松咁有錢，唔會貪少少錢，但佢喺呢個時候買車係無政治智慧。」
誠信有問題
梁小姐（電訊從業員）：「佢嘅誠信好有問題，如果第二時佢話連任我第一個反對。」
要清楚交代
黎先生（中產階層）：「財爺偷步買車可能係經驗唔夠，我認為佢唔使落台，但要畀市民一個清楚交代。」
應公開道歉
戴先生（保險業）：「佢最重門面功夫，話捐十萬就想過骨，市民都唔會接受，最少都要公開道歉。」
太唔公平
禤小姐（市場推廣員）：「預算案加稅令市民咁慘，但梁錦松反而自己未加稅買車，太唔公平。」
