李嘉誠捐款七千萬興建嘅「汕頭眼庫」，噚日同香港醫管局獅子會眼庫結盟，正式結為姊妹眼庫。儀式於汕頭舉行，汕頭眼庫主席林順潮醫生，去年年尾參選港區人大，初選高票入圍，最終墮馬。看來，林醫生已經收拾心情，全情投入幫誠哥打理好汕頭眼庫。據說，誠哥曾經同林醫生講過嘅一句話：「失明是世界上再痛苦不過的事。」
噚日嘅簽約儀式，除咗林順潮同代表香港眼庫嘅吳玉儀交換協議書，重即場播放誠哥呼籲鄉里捐眼角膜嘅錄影帶。誠哥於錄影中話，人生短短數十年，「有如流星劃過長空」，希望家鄉人明白幫人幾咁有意義。中國人社會，捐器官觀念仍然不普及，真係要出動最重磅人物去推動至得。
﹙圖﹚林順潮醫生主持記者會，同場加映李嘉誠呼籲鄉親捐贈眼角膜影帶。
傳真︰2623-9278
電郵︰